رحلتي للكويت ( صور كثيررررر )

السلام عليكم ورحمـة الله وبركاته

أدري تأخرت في تنزيل الصـور هع .. بس شسوي بزنز ومان لوووول ..

المهم هذي صـور رحلـتي للكـويت .. ومحد يعترض على الصـور ويقول مب واضحـة ..

تصـوير جـوال وش تبــون ..

يالله عيشـوا معاي الجـو .. مع العلـم إني ماصـورت كل مكان والسبب خالتي المديرة هع ..

يالله تعـالوا معاي ..

طبعا أول شي المناظر الخلابـة للشارع الممل .. ياطولـه .. يكسر الظهر .. وانت قاعد بالكرسي







مثل ما أنتوا شايفيـن الشارع فاضي .. صحراء قاحلة << تفكر نفسها مرشده سياحيـة





هذي بنت خالتي تلعب وأحنا بالطريق .. كان ودي اخذها واصفقها مللتني ..
كل شوي ألف .. أرنب .. باء .. باب ..

طبعاً كل الصـور اللي فاتت بالسعوديـة الشقيقة حبيبة قلبي ..
للحيـن مادخلنا الكـويـت ..


اللي يحب يتابع ينتظر البقيـة جايـة بعد شـوي

بــاك للمتابعيـن .. هع

المهم بعد رحلـة دامت ثلاث ساعات وربع تقريباً وصلنا الكويت ..

وكان ينزل مطـر .. بس كل ماصـور صـورة مايبين المطـر ..


وهذي بعض الشوارع بالكويت










بس لا تسألوني وين هالمكان لأني مادري وين الله قاطني ..
اللي اعرفهـ هذا وين بقولكم هع ..


يالله اللي يبي يتابع ينتظر باقي الصـور ..
راجــ ع ــة لكم

باك .. رجـ ع ــت للمتابعيـن

وصلنا الشقـة .. شقـة خالتي .. مب شقـة بفندق

وكان وقتها جـوع ,, وعطـش والجسـم مكسـر .. من طول الطريق ..

على طـول فتحت الثلاجـة هع ..


طبعاً مصورتها للبنات هع .. كانت تكلمني وحده من البنات بالجوال اقولها عطشانه
في عصير ومويـة وشاني مادري وش اشرب قالت لي صـوري بشوف ..
هههههههههه .. وانا ماصدقت على الله على طول فتحت الجوال وصورت هع ..



وهذي ارنوبتي .. طول الطريق كانت تصيح عورت راسنا ..
اول ماوصلنا الشقـة شقت الحلج نصيـن .. وقامت تضحك << ساعة السلامة ..


والمفاجأة .. وانا اتمشـى رايحـة اكشف على الشقـة .. على اساس اول مرة اروح شقـة خالتي هع
دخلـت الباث روم واللقي مفاجأة حلـوة هع .. واقعد اصرخ .. يمــــه .. يمـــه ..

تجي خالتي شصايــر قلت لها صـرصــور ..
اخذت خالتي الشبشب ,, طاااااخ .. بقـوة ضربته وطلعت مصارينهـ وووع ..

قــلت ما أنســى الجمــاعه آخذ لهم لقطـه حلوة ..

الله يرحمـه ههههه .. << محد قاله يطلع


بعد المجزرة سوينا لنا غدى خفيف .. تغذينا .. ونمنا لنا شوي نريح جسمنا ..
وانا بعد مب متعوده اسير مثلكم هالمسافـة الطويلة هع

البحرين صغيرة مشاويرها كلها ثلاث ساعات هههههه ..

وعلى الساعه 7 صحينا .. صلينا .. وانتظرنا زوج خالتي يجـي ..
وقلت له يوديني سوبر ماركت قريب منهم .. ابي اشتريلي فرشاه اسنان نسيت احمل معاي ..

رحنا السوبر ماركت حقـهم .. قلت اصـوره لكم بعد ههههه << كل شي تصوره

اسمها جمعيـة الرميثيـة

دخلت اشتري فرشاه اسنان .. طلعت مشترية نص السوبر ماركت هع << حرمة

وخـلاص رجعنا الشقـة .. قعدنا فيها مافينا قـوة نطلع ولا نسوي شي ..

وانتظرنا ليوم ثاني .. صحينا الصبح ,, ورحنا سوق شعبي اسمه (( سوق لمباركيـة ))

بس للأسف ماصورته من الخارج ولا الداخل .. استحي اصـور وفي ناس هع ..

صـورت بنت خالتي وهيه بالمحل ههههههه ..

مع هالضحكـه اللي عليج هع ..

على فكـرة اسعارهم مناسبـة .. وحلـوة .. وأحلى مافيه لبلوزات هههههه ..

وبعد ماخلصنا .. رحنا حديقـة الحيوان ..

ارعص على الرابط وشوف الصـور ..
http://forum.f1l1.com/21930.html#post305430
تـوني محملتهم ..

راجــ ع ــة لكم ..

باك .. للمتابعيـن

وبعد ماخلصنا من حديقـة الحيوان .. رجعنا وتغذينا وارتحنا للمغرب ..

والمغرب طلعنا رحنا السوق .. (( سوق لمعلم )) .. سوق حلوة ..

اللي يروح هناك يحمل معاه فلـوس ههههههه .. لأن كل ماتشوف شي يصير ودك تشتريه .. هع

وانا بعد ماقصـرت .. بالملابس والاكسسوارات ..

(( لا تنتظرون صـور لأني ماصـورت هع ))

المهم بدون هذرة زايده .. بعد ماخلصنا رجعنا الشقـة ..

والصبـح رحنــا السوق ستي سنتر .. صاير فرع داخل سوق لمعلم ..

لأن ماكان في وقت ندخل كل محل في الليل رحنا الصبح .. وبعد ماطلعنا لقينا الشارع زحمـة

وكان يومها يوم الخميس يعني يوم دوام مدارس ..

واحنا بالطريق لقيت شباب طالعيـن من المدرسـة وصورتهم ههههه



طبعاً هذليـن طـلاب مدرسـة ثانوية هع ..

وبعدها توجهنا لكليـة التربيـة على اساس أني اشوف صديقتي تدرس هناك
وضيعنـا .. قالت لي روحي هالمكان وانا ضيعت زوج خالتي وصفت له غلط

ههههههههه .. وبعدها قررت اني اسأل اي بنت تطلع من الكليـة .. وكان موقف محرج بالنسبة لي
لأني مب متعوده احط نفسي بهالمواقف ..

واول مالقيت بنت طالعه من الكليـة .. سألتها ومابقولكم شلون سألتها علشان ماتضحكون علي ..

قالت لي تعالي وراي بالسيارة لأن المسافه بعيده شوي ..

ومسكينه ماقصرت البنت .. وصلتنا للكليـة المطلوبه ..
واخذت لها صـورة واحنا نمشي وراها ههههههههههه

ادري ماتبين السيارة واضحه هع .. بس اهيه الهمـر البيضاء خخخ

وجزاها الله ألف خير وصلتنا .. ودخلت سلمت على صديقتي فديتها ..

ورجعنا الشقـة .. تغذينا << اقول خلصينا مب لازم بالتفصيل ههه

المهم الليل طلعنا الكرنيش .. حاولت آخذ صـور للكرنيش بس مافي إضاءة وايد

يعني الصـور مب واضحـة علشان جذي مانزلتها لكم لأن ما منها فايدة ..

وهذي صـور لبعض الشوارع بعـد في فترات متقطعه كل مانروح مكان اقعد اصـور بالشارع << فاضية





وهذا بحـر قريب من مجمع بالكويت ..


اللي حاب يشوف رحلـة الأبراج يتابعنا

لي رجــ ع ــة

بــاك للمتابعيـن .. (( تعبت من كثر ماقول باك ))

يوم ثاني قال لنا زوج خالتي عندي شغلـة بالسوق شوي ,, بوديكم تتبضعون وبعدها بوديكم الابراج

راح السوق .. خلص من شغلته .. وطبعاً احنا طالعين من الشقه الساعه 10 الصبح وعلى ماوصلنا
السوق جت الساعه 10.30 .. وعلى مايخلص الشغل جت الساعه 12 الظهر

ركبنا السيارة على اساس إن يودينا الأبراج نتمشـى ونشوف ..

وهذي الصـور

هذي لقطـة اخذتها للأبراج من بعيد شوي


وهني قربنا ..

طبعا كنا المفروض ننزل بس اللي رايحه معاهم .. مايشجعون الواحد

اول ماقال زوج خالتي يالله نزلوا كل وحده قالت لالالا .. شمس .. حــر .. وعندنا يهال
مابسكـتون يالله نرجع الشقـة ..

وانا اشتعل نيران من داخل .. كان ودي افقع عينهم من القهـر

اقولهم لا والله .. خــوش جايين تقشـتون .. انتوا مب وجه واحد يجي معاكم يرفه عن نفسه ..
طبعا إلخ ... خخخخخ


المهم هذي يمكن اوضح صوره اخذتها للأبراج


وهذي لقطـة للأكوابارك .. وعدني زوج خالتي يوديني المرة الجايـة هع..
لأن مثل مانتوا عارفين اللي معاي مب مال قشته .. خخخخخ


ومرينا على اكبر مجمع بالكويـت .. اخذت كم صـورة له بس من بعيد ..

هذي صـورة المجمع ..


هذي بعض القوارب جنب المجمع .. قالي زوج خالتي سالفتهم بس نسيت ..




راجــ ع ــه لكــم ..

بــاك .. (( ادري تمللتوا هع بس تحملوني شوي ))

وربي تعبت وانا احمل الصـور .. بس كل شي علشانكم يهــون ..

المهم هذي صـورة اعتقد لميناء ..!!
شفت سفـن واقفه صورتهم هههه مادري وش سالفتهم


وخــلاص بعدها رجعنا البيت ,,

والمغرب كنا مقررين نطلع نتمشـى الكرنيش .. بس صارت عاصـفـة مخيفـة ..
اعتقد سمعتوا عنها ..!!

فـ كنسلنا الطلعه .. وقعدنا بالشقـة ولا طلعنا .. اكتفينا ان احنا نقعد نشوف العاصفـة من النوافذ
وصـورت العاصفـة فيديـو هههههههه .. بس ماقدر انزلهم لأن خالاتي ماقصـروا بالسوالف

وقلت اصور كم صـورة علشان اوريكم .. فجأة انقطعت الكهرباء برة ههههههههه ..

قلت يه حظهم نحس .. خخخخخ ..

ويوم ثاني طلعنا علشان نرجع للوطـن الغالي .. (( وحشتني البحرين ))

وهذي صـورة للحي اللي سكنا فيه .. طبعا بعد العاصفـة ..


ونسيت اصور لكم الدمار اللي صار بعد العاصفـة .. في بعض الشوارع اللوحات اللي فيها
طاحت بالشارع .. وبعض لبيوت السقف اللي يحطون السيارة تحته طاح فوق سيارتهم ..

وخـلاص مشينا .. وهذي استراحه بالسعودية ..


وهذا احنا قربنا للبحرين فوق الجسـر






كان الجسـر زحمـة .. مساكين اللي عندهم بضائع .. تلاقي الطابور طويل ..
مادري متى بخلصـون << شايله همهم


وهذا البرج اللي بالبحرين زي اللي عندكم





وخــلاص خلص المشوار ..

نسيت اقولكم .. واحنا راجعيـن .. كان في اغراض وايد بالسيارة .. اضطرينا نربط اغراض فوق السيارة
وانا من حظـي .. صارت اغراضي فوق مب داخل السيارة ..

واحنا نمشي لقينا سيارة تلحق ورانا وتأشر لنا .. واحنا مب فاهمين السالفه ..!!
بعدها اللتفت زوج خالتي .. قال اوووه الأغراض طارت .. تهئ تهئ ..

وانا ضربت على قلبي قلت اغـــراضـــــي .. ..
نزل زوج خالتي يتفقد الاغراض .. نزلت ابحث .. لقيت عبايتي طارت .. وبعض الاغراض طارت ..

بس يالله خيرها بغيرها .. وأهم من كل هذا إننا وصلنا بالسلامة ..

وخـلااص .. خلصـة الرحلـة .. عســى بس مازهقتوا منها .. .. ..


تحياتي للمتابعيـن ..