يــــومـــــيـــــاأإأإأإأإأإأتـــ

المشاركة الأصلية كتبت بواسطة ملك الذوق

اجمل ...


حاجه غريبه ماافي مراقبين في الشلال

< وي يوم بنات ويخش تمسااح ؛< وي يالتمااسيح ما خلوا احد في حالوا

وانتي يالخبله سااكته بعد

<-----<< هذا الشي حقد من المووقف



كن تن يو

الا فيه مراقبين حريم

اووه انا دايما اسمع من صحباتي انهم يدخلو مع انو الاثنين بس خاص فيهم

اجل ايش اسوي اسكت احسن لي

يسلم قلبك حبيب البي اصغر ....



ورربي حتى انت لك وحشه يا وحش ...



كن تن يو

اجمل ...


وي الي سكت احسن لي << ليش مو هوا الي نكد عليك الخررجه كلهاا

خلااص كلها حته زوونبه عند المرااقبه وخلااااص < هع هع


ع العمووم .. اهم شي الفله



كن تن يو

هههههههههههههههه
لالا اخاف من الحريم و الرجال اللي هناك

طيب اقول لكم ايش سار اليوم كمان

رحت ثول عشان نشتري سمك و اغير جو

و لما و صلنا انا ما حبيت انزل من السيارة و جلست مع اخويه الصغير و بحكم انو هناك في رجال كثار غطيت وجهي و لما جو اخويه و امي قالوا لي ما شاء الله سرتي تغطي و انا اقول لا و الله بس عشان هنا في رجال كثار و هما يقولون لا لا لا بعدين اخويه قال لي غطي خلاص و انا ابكي اقول و الله ما سويت شي بس عشان في رجال و بعدين صرخ بصوت عالي قال تغطين وجهك يعني تغطينه
و انا اللي اخذ جوالي و اتصل على ابويه و قلت لو قال اعطيني اياه راح ابويه كلمو و بعدين كلمني ابويه قال لي اذا سوى لك شي ثاني اعطيني رنه و انا اذبحه لك هههههههههههههه احسن

هههههههههههههههههههههههههههههههههههه ....



ول عليك << سوووووسه



وبعدين انتي اش هرررجتك كل يووم جاايبه لنا اكشن ( مبتسم )


ماافي يوم مغاامره ماافي كوميديا ..... الخ

الله يكوون بعووونك ههههههههههههههههههههههههههههههههههه

وسلمي ع اخووك



كن تن يو

ههههههههههههههههههههههه

آمين


يستاهل عشان مره ثانيه ما يقرب مني

يوصل انشاء الله

الله يا زمان عنك يا يوميات هع .. وحشتني << وحشها الموضوع



الله يسلمكم امس كنت رايحة السوق مع بنت عمي mi$s ba7rain و بصبوصتي فديتها هع
<< شكلي بحصل طراقات منها

وصارلي موقف بالسوق وقالت بتفضحني هنا هههههههههه

فقلت انا افضح نفسي احسن من إنها تفضحني ..

المهم الموضوع ومافيه اول مادخلنا المجمع دخلنا محل كله زجاج ..

وانا ما أدري ان الطوفة زجاج .. وجيت امشي وصدمت الطوفة ..

ووقتها انحرجت ووجهي صار احمر <<< ولا احمر ولا بطيخ (( عمرها ماصارت حمرة))

وبنت عمي وبصبوصتي قعدوا يضحكوا علي وبنت عمي تقولي هين هين افضحج بالمنتدى هههههه

قلت لها لا توصين حريص انا بفضح عمري ولا انتي تفضحيني << ماتحب حد يفضحها



المهم والموقف الثاني دخلت محل ملابس وبعد ماخلصت ورحت بدفع لفلوس

ومسكت الشنطه واسحب سحاب الشنطه بقوة وانقطعت الشنطة جدام الأوادم ..

وتفشلت من نفسي .. والبنات يضحكون علي ..

ومشيت بالمجمع والشنطه مقطوعه هههههههه .. قلت للبنات انتظروني احراج امشي فيها وهيه مقطوعه

دخلنا محل شريت لي شنطه ودخلت شنطتي القديمة داخلها ههههههههه
>> متحسفة على الشنطه اللي انقطعت جديده ماصار لها اسبوعين

بس تدرون أحلى شي بالسوق ملابس الاطفال

كان ودي ابقـى طول الوقت بمارينا مول علشان ملابس الاطفال ههههههههه

بس البنات ماخلوني .. يقولون لي لوعتي جبدنا كل ماجينا السوق جيتي لملابس الاطفال

وخلاص بعدين اكمل لكم سالفه المطعم واسعار المطعم ..


ملاحظة : بصبوصتي = صقيقتي = اسم الدلع حقها .. هع

باك ..

جيت .. هع .. كنت طفشانه وقلت اجي اكمل يومياتي ..

وقلت اقولكم سالفه المطعم .. الصدمة اللي انصدمنا فيها .. هههههههههههههه

الله يسلمكم بعد ماطلعنا من السوق .. رحنا مطعم نطلب لنا عشـى ..

قلنا له يجيب لنا Menu علشان نسويه طلبية للأكل ..

وعاد تعرفون وقت الجوع كل ماشفنا وجبه قلنا ياسلالالام باين عليها عجيبه ..

ونسوي طلب لها ..

طلبنا صحن مقبلات متوسط الحجم

وطلبنا بيتزا ..!! << اكبر صاعقه

وطلبنا صحن مشويات مشكل ..

وصحن ورق عنب 5 قطع فقط ..


وقعدنا ننتظر يجهز العشـى وكل وحده تتحلم بالأكل وتقول ميته جوع ..

وبعد ثلث ساعه تقريبا صار الاكل جاهز ..

وجابوا لنا الأكل .. وقلنا له لو سمحت الفاتورة ..!!

قال: 11.100 دينار بحريني

يعني 111 ريال سعودي

انا ومس بحرين انصدمنا هههههههههه .. وكل وحده تناظر الثانيه وتضحك ..

اخذنا الفاتورة ودفعنا الفلوس ومشينا ..

وصلنا البيت وكل وحده تقول شنو هذا ..

فتحنا الاكل .. لقينا البيتزا حجمها صغيييييييييير .. وسعرها 40 ريال ..!!

وصحن المقبلات 18 ريال .. وحجم الصحن صغير مرة .. تهئ

وصحن المشويات المشكل 38 ريال ..!!

وصحن الورق عنب 15 ريال ..!!

والله لو مصوره لكم البيتزا والاكل تضحكون ههههههههههه ..

البيتزا مافيها إلا ست قطع وصغيره مرة .. حجمها اكبر من كف اليد بشوي ..!!

والقهر الورق عنب 5 قطع ب15 ريال على شنو مادري ..!!

يعني القطعه ب3 ريال ..!! وياريت كان الطعم لذيذ .. << وربي قهر


المهم .. واحنا ناكل نضحك على حالنا .. ونقول الاكل ماراح يكفينا ..

وكل وحده تقول جوعانه .. وبالآخر صحن المشويات محد اكله منه إلا قطع اللحم ..!!

وقطع الدجاج محد لمسه << ماتاكل دجاج

<<< الطمع مب زين ترى

والحمدلله شبعنا ههههههههههه .. بس توبه ونوبه نروح هالمطعم ههههههههه

بلا كشخه وبلا ستايل .. طلعوا تصميم ديكور المحل من جبودنا هههههههههههه

اهمه يكشخوا محلهم واحنا نشتري وندفع لهم ..

والله يستر بعد سنتين ولا ثلاث سنوات .. مادري شلون بتكون الاسعار ..

الراتب راح يخلص من اول اسبوع هههههههههههههه

وخلاص .. اجيكم مرة ثانيه اكتب لكم يوم من يومياتي التعيسة ..

الله يسلمكم أمس كنت زهقانه مرة .. << كل يوم زهقانه .. هع

المهم وانا قاعدة وصلني مسج لقيت مكتوب فيه ..


الصورة واضحه مايحتاج اترجم وش مكتوب فيها << فديت السوني انا ههههههههه

<<--(( رنه = مس كول ))--<< إلى اللي مب فاهم وش معناها ههههههه

عاد خبركم أم الوناسة يوم اللي نقرر إن نطلع جمعة بنات ..

وعلى طول رسلت مسج ابدي رايي بالموافقه ههههههههه << ماتعطل بعد

ودقيت على البنات علشان اسألهم إذا وصلهم المسج واذا موافقين ولا لأ. << ماشافت خير

وعلى الساعه 5.20 جهزت اغراضي وملابسي .. وانتظرت يأذن علشان اصلي واتجهز مباشرة ..

صليت ولبست ودقيت على البنات علشان نقرر كل من يروح في سيارة من..

على اساس إن عددنا 10 اشخاص << ماشاءالله .. تبارك الرحمن

وراح تكون سيارتين وكل سيارة فيها خمس بنات ..

وتجمعنا بالمقر إللي يشوفنا يقول اطفال روضه رايحين رحلة هههههههههه .. وركبنا السيارات .. وتيسرنا هع

طبعاً ما مشينا الساعه 7.30 .. مشينا 7.45 مواعيد عرب لازم تأخير هههههههههههه

وصلنا مجمع السيف وكان زحمه مرة ومعظم السيارات سعودية ..!!
وحنا كنا نظن ان المجمع فاضي لأن يوم الأثنين مدارس واشغال!!

بس لما وصلنا لقينا زحمه ومافي بارك فاضي وياحظ من يلاقي بارك .. وجلسنا ربع ساعه ندور بارك ..

ويالله لقينا بارك .. بس السيارة الثانيه سبقتنا ولقوا بارك قبلنا .. ودخلوا المجمع واحنا ندور لنا بارك ..

وبعدها بعد مالقينا بارك تجمعنا جنب السينما علشان نختار فلم .. ووقع اختيارنا على الفلم p.s I love you

فلم رومنسي كوميدي ..!! تمثيل جيرالد بتلر و هيلاري سوانك و جينا جيرشون ..

وكان وقت العرض الساعه 9.00 مساءً .. فقلنا ناخذ لنا جولة خفيفة ..

ولما قربت تصير 8.45 توجهنا لمقر السينما علشان نشتري لنا أكل للسينما ..

وطبعاً mi$s ba7rain ماقصرت اخذت لها بيبسي اكبر حجم

وعلبة ذرة و وشبس ليز أكبر حجم << فضحتها

المهم بعد ماشرينا الأكل دخلنا القاعه وكلنا امل انه يكون رومنسي وكوميدي مرة .. علشان الضحك

واول مادخلنا اللتقطت عدست جوالي صورة


ههههههههههههههههه .. كان زهق مرة ننتظر الإعلانات تخلص علشان نشاهد الفلم

اول ماصورت الصورة جالي السكيورتي يقولي ممنوع التصوير ههههههه .. << انحرجت البنت

وبعدها شفنا الفلم .. طلع فلم بايخ مرة .. والقصة ابيخ .. لدرجة ان وحده من البنات

غمضت عينها ونامت بالسينما .. ولما خلص الفلم صحيناها .. وهيه تقول فلم بايخ قلت انام احسن ..

وطلعنا من السينما وكل وحده تتحلطم على الفلم وتقول الفلم بايخ وسخيف ..

نصيحـة (( أي حد يجي البحرين ما يدخل الفلم ))

المهم طلعنا من السينما الساعه 11 وتوجهنا لمطعم هارديز .. علشان نتعشـى

وقبل ما ننزل من السيارة لفتت نظري سيارة قطرية لونها بنك وعلى طول صورتها قلت اخليكم تشوفوها


ودخلنا المطعم .. وبعض الناس احتجوا يبون يروحون مطعم ثاني .. بس الكل قال يبي هارديز (( مسكينه هالبنت ))

وطلبنا لنا وجبات وجلسنا فوق الطاولة .. وهذا منظر الطاولة مايحتاج اوصفه هههههههههه


وهذي وجبتي اصرت البصبص تصورها ههههههههههههه وانا قاعدة آكل



وانا قلت اصور وجبتها بعد بس حسافة قضت عليها وهذا الباقي


وهذي وجبـة mi$s ba7rain بعد معاناة قدرت اصورها لأن مب راضيه اصورها


وهالصورة بعد مايحتاج اشرحها ههههههههههههه .. الاكل راح في ستين ألف داهيه من المجاعه


وهذي وجبتي ههههه ماقدرت اخلصها .. الحمدلله شبعت ..


وخلاص وهني خلصنا وقمت علشان نمشي .. وقلت آخذ صورة نهائية للفوضـى اللي سببناها هع

بس جت العامله الفلبينيه تنظف .. قلت لها تتباعد بس قالت نو بروبلم وصورتها وهيه تنظف


وطلعنا ولقيت الشارع فاضي كان وقتها الساعه 1.10 تقريباً فقلت آخذ صورة نهائية لرحلتنا البسيطة


وخلاص ركبنا السيارة ورجعنا وكان جسمي متكسر مرة من المشي والصندل .. ماقول إلا حسبي الله عليج يا .......

ياليتني ماطاوعتج ولبست كعب كسرتي ظهري هههههههههه ..

وخلاص وهني تنتهي رحلتنا .. ولي عودة من جديد مع يومياتي ..