هل لديك الشجاعه انك تقول اسواء طبع فيك

هل لديك الشجاعة والقدرة على التصريح بأسوأ طبع فيك؟

اذا كان الحديث عن اطباعنا الحلوة وصفاتنا الخيالية فحدث ولا حرج في اسهابنا في الحديث عن أنفسنا ....

بعضنا بطرق مباشرة جدا مثل...

انا طيب...انا حبيب...انا كريم....انا عمري ما جرحت انسان...انا موضوعي ....انا اراعي مشاعر الاخرين....انا حلو...انا باقيلي طبع واحد واصير كامل الاوصاف ...انا اكثر صفة حلوه فيني اني كلي على بعضي حلو....الخوطرق غير مباشرة مثل...
يقولوا الناس اني حلو....يقول اصحابي اني شخصية محبوبة كثير....انا مو عارف شنو سر انجذاب الناس لي ...اصحابي ما يجتمعون الا اذا كنت انا بينهم....قد ما يجرحوني الناس بس ماادري ليش مااقدر اجرحهم ...الخ

واذا كان مديح النفس مبغوض الى حد كبير لماذا يتعدى الحدود فبالمقابل يمكن ان يكون مقبولا ومغضوض البصر عنه في بعض الحالات بل ربما يكون محببا اذا لم يتجاوز الحد ..
.
ولكن....!!!
من منا يستطيع ان يغربل صفاته واطباعه ليعرف اطباعه وصفاته الـ(مو حلوة) وفي رواية اخرى المشينة مرة

وهنا بالتحديد فيه شي مهم جدا ...ان فيه ناس حتى وهي تريد تعترف تحاول ايضا ان تمدح نفسها مثل .....
انا اكثر عيب عندي

اني اعصب بسرعه واذااحد كلمني وانا معصبه صارمن الشهدا
...الـــــ,ــــ,ــــ,ــخ

وهكذا ..

مين الي عنده الشجاعة يعترف بصراحة باكثر طبع مو زين فيه ....واللي يتمنى بنفسه يتخلص منه ؟؟

أنا اسوء شي فيني حساسه بشكل غير طبيعي لدرجة ان ام صديقتي تكلمني وتهاوشني تقول ليه انتي كذا حاولي تغير نفسك >>صارة قصه



وأغــــــــــــــــار

يعطيك العافيه يالغاليه عالموضوع
اما انا فاااكثر طبع اكرررررره بنفسي هو مزاااااااااااااااااااااااااااااااااااااااااااااااج يتي
لانو المزاجيه قامت تتعبني وتضايق اللي حولي
وبس
هذا اسواء حاجه فيني

بصراحه موضوع مهم جدآ. ..


انا اسواء طبع فيني ... :(

هو اني ..
متسرع ..
احسب حساب لكل شي
وعندي عيووووب كثيره والله ..

ممكن اجل اكلمها في وقت لاحق ..

اشكرك اختي

انا بشهاده الجميع كل الناس تقولي دمعتها على خدها

ويسلمو على الموضع الحلو والرائع

مرسي بوكوه

اهلين حبيبتي ..

اي عندي شجاعه اقول عيبي ..

انا فيني عيوب مب عيب واحد .. هههههههههه



اولاً: حساسه .. بسرعه تنزل الدمعه ..

ثانياً: عصبية .. يعني وقت العصبية لحد يقرب مني ..

ثالثاً: طيبة وعلى نياتي اصدق الناس بسرعه ..

حسافة ان هذا عيب فيني ..!!

اهوه عيب فيني بس بنفس الوقت طيبة من قلبي <--(( يبي لها رفسة تمدح نفسها ))




واذا تذكرت العيوب الباقية بجي اقولج ..

تقبلي تحياتي ومروري حبيبتي

الحساسيه الزايده والغضب بسرعه والعناد الشديد

ჯ ****كلي عيوب ****ჯ ****ومعجبتني عيوبـي ****ჯ****ჯ **** وانا عيوبي عند غيري مزآيـآ ****ჯ
-------------

ما نسى الحوادث . .

ومتسرع ،، وكذاب

،، منافق ،، حرامي

،، مهمل ،، عدائي

ثقيل الطينة ،، ماعرف اجامل


نظراتِ يكرهها الجميع تزعجهم . .

_____________

تحياتي لـك أختي حـلا . .

ودي وورديـ ..

كآشخ

المشاركة الأصلية كتبت بواسطة كـآشـخ و مـفـلـس

ჯ ****كلي عيوب ****ჯ ****ومعجبتني عيوبـي ****ჯ****ჯ **** وانا عيوبي عند غيري مزآيـآ ****ჯ
-------------
ما نسى الحوادث . .
ومتسرع ،، وكذاب
،، منافق ،، حرامي
،، مهمل ،، عدائي
ثقيل الطينة ،، ماعرف اجامل
نظراتِ يكرهها الجميع تزعجهم . .
_____________
تحياتي لـك أختي حـلا . .
ودي وورديـ ..
كآشخ

ودي اصدق .. بس مستحيل اصدق اخوي فيه كل هالعيوب ..

مشكووره اختي على الطرح الرائع..


بصراحه انا فيني عيب متعبني انا ومتعب الي حوولي.... ممكن انكم لاحظتووه على انحاء المنتدى

فأنا علي مزااج (( مدري وش يبغى )) يعني ساعه تمسك معي طيووب وسااعه عصبي وساعه رومانسي وساعه شاعر وساعه مضارب وساعه ساكت وساعه ثرثار

ولو تلاحظون اني عند ما ادخل قسم الشعر ما اطلع منه الا وقريت وتمعنت في كل كلمه فيه << في هذه اللحظه مزاجي شاعري

وفي حين آخر..

تلقااني في قسم الصرقعه والالعاب...اهيص واللعب واقوول كلام >> مدري من وين يطلع

و.............................الخ

ولمن اكون خارج المنتدى ((مع الشباب )) مره ارقص واهيص ومره اطلع مع الطاقه من الهيصه

ومره (( وجودي مثل قلته)) ساكت مسرح (( خشتي تقول بوز تكرونيه))

وما خفي كان اعظم

واشكرك خيتو على الطرح الرائع

دمتي لنا