الاول::
تلاقي الواحد ماشي وفاتح فمه ليش ما ادري الظاهر انه يستمد طاقته من استنشاق الهوا أو يمكن له مأرب اخر لا أعرفه .
<< اكثر انواع الشباب عرضه للإختناق بالذباب
الثاني ::
الولد اللي يمشي وهو مكتف يدينه تحسونه من مشيته انه ما يبي يتدخل بأحد وماله شغل باللي حوله ولا وش يسوون ان شاء الله يرقصون رقصة حسب الله ما يهمه .
<< هذا النوع لا دخل له بالسياسة
الثالث::
اللي يمشي وحاط يده على خصره (( ما تدري وش يبي بالضبط ))
يعني كأنه بينط في رقبه أي واحد وبيعطيه ذاك المخمس المحترم اللي يحبه قلبك
نصيحه اذا شفتوا واحد كذا يمشي لاتمشون قدامه ولا جنبه بس امشوا وراه .
<< هذا النوع ينفع للفزعات والهواشات اذا تبيه ترى لسانه اطول منه
الرابع ::
هذا يمشي وناسي ان ايده من قائمة اعضائه يعني تلاقي ايدينه بالمريخ وهو بزحل
( التشبيه هنا بليغ )
<< هذا النوع تلاقيه توه صاحي من النوم مسكين وعازمه صديقه برا ( ما يقدر يقول لا )
الخامس::
الولد الرقاص
يعني اللي يتراقص في مشيته ينافس فيفي عبده ما ادري سبحان الله ربي عطاه الهز الطبيعي من دون ادنى ضرب على الطاوله يقوم يرقص على باله الحفله بدت .
<< هذا النوع فلللله ويحب الهبال
السادس ::
اللي يمشي ويسولف وايدينه تسولف معاه حتى العالم كله يدرون انه راح المكان الفلاني امس وعيونك ما تدري تحطها بعيونه ولا بايده .
<< هذا النوع صاحي قرق فاضي بس يسولف
السابع::
الولد اللي يمشي وكأنة يعد شي في الارض طول ماهو ماشي وراسة في الارض حتى لو شفته ماعرفته لان ما شفت ملامحه .
<< هذا النوه حيااااااوي حيل من تقول له كلمة استحى .. هذا النوع نادر بعد ما تلاقيه
هذولا هم تماسيحنا وانواع مشياتهم
ان شاء الله عجبتكم ..
