أنا ما كنت أبي عطرك .... ولاني للخطا عشــقان
أنا ما كنت أبي إلا أحس انك تحبـــيـــــــنـــــي
وهبتك أجمل إحساسي وجيت من الوله عطشان
لقيتك يا بعد عمري حسافه ماتحســـــــــيــنـي
كتبتك أعذب حروفي .. ( قصيده) وزنها ديــــوان
قريتيها .. رميتيها.. ابد ما كنها سنيـــــــــــنـي
تجين من الفجر كذبه وعيـنـك تخـــفي العـنوان
وأشوفك في سواد الليل على الكذبة تمسيني
أنا جابتني الصدفة وهذي منة الرحــمـــــــــــن
أشوفك تصافي لغيري صفات إلي وصفـتـيني
حبيبي يكفي أسلوبك أنا يكفيني البرهــــــــــان
أنا ما اصدق ليـش ولكن شافـتك عـــــيـني
سكت وداخلي صرخة تردد صمتها الجــدران
حسافه طاوعك قلبك بلا ذنبٍ تـبـيعـيــــــــــني
ألومك .. مــاالومك .. لاالومه وقتي الخوان
عطيــــتك ألف معنى حــب وهذا إلي تجازيني
أنا ما أملك إلا قـلب .. لكن للأسف تعــبــــان
كفاني منبع الأحزان تفجر به شرايـيــــــــنـي
احبك؟!.. ليه احبك ليه واتوه بعالمي حيران
وأشوف الناس من حولك تشوفيهم وتنسيني
أحاول أكرهك لكن فؤادي ماكـــره إنسان
غريبة كيف هذا القلب يحب إلي جرح فــيني
العرض العادي
